അദ്ദിക്ർ

ഇന്ന് ലോകരില്‍ അറബി ഖുര്‍ആന്‍ വായിക്കുന്ന ഫുജ്ജാറുകള്‍ തന്നെയാണ് ഗ്ര ന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ തള്ളിപ്പറഞ്ഞുകൊണ്ട് ജീവിക്കുന്നവരും ഏറ്റവും വഴിപിഴച്ചവരുമെന്ന് 25: 33-34 ല്‍ പറഞ്ഞിട്ടുണ്ട്. 9: 31, 67-68 സൂക്തങ്ങളില്‍ വിവരിച്ച പ്രകാരം ഇക്കൂട്ടര്‍ തിന്മ കല്‍പിക്കുന്നവരും നന്മ വിരോധിക്കുന്നവരും അല്ലാഹുവിനെ വിസ്മരിച്ച് പിശാചിനെ സേവിച്ചുകൊണ്ടിരിക്കുന്നവരുമാണ്. 2: 6-7 ല്‍ പറഞ്ഞ പ്രകാരം തെമ്മാടികളായ അവര്‍ ഇനി വിശ്വാസികളാവുകയില്ല. വിശ്വാസി 1: 4 ല്‍, ഞങ്ങ ള്‍ നിന്നെ മാത്രം സേവിക്കുന്നു, അതിന് ഞങ്ങള്‍ നിന്നോട് മാത്രം സഹായം തേടുക യും ചെയ്യുന്നു എന്ന് വായിക്കുമ്പോള്‍ 1: 7 ല്‍ വിവരിച്ച നാഥന്‍റെ കോപത്തിന് വിധേയരായ കപടവിശ്വാസികളും അവരെ പിന്‍പറ്റി വഴിപിഴച്ചുപോയ അനുയായികളുമടങ്ങിയ ഫുജ്ജാറുകളില്‍ ഉള്‍പ്പെടുത്തരുതേ എന്നാണ് ആത്മാവുകൊണ്ട് പ്രാര്‍ത്ഥിക്കേണ്ടത്. 3: 58, 164; 7: 157-158, 179, 205-206 വിശദീകരണം നോക്കുക.